БОСА Холдинг ХХК нь 1996 онд анхны гишүүн компани болох БОСА ХХК-г үүсгэн байгуулсан бөгөөд Монголын худалдааны салбарын ууган аж ахуйн нэгжийн нэг юм. Өнөөдрийн байдлаар Монгол улсад бүртгэлтэй нийт 10 гишүүн компанийн бүрэлдэхүүнтэйгээр БОСА Холдинг ХХК үйл ажиллагаагаа явуулж байна.

Монголын анхны сүлжээ дэлгүүр болох БОСА Сүлжээ дэлгүүрийг нээн ажиллуулж улмаар 23 жилийн турш амжилттай үйл ажиллагаагаа эрхлэн 2019 онд рэбрэндинг хийх зарчмаар DAILY Grocers төслийг хэрэгжүүлэн өдгөө DAILY Grocers сүлжээ дэлгүүр 12 салбар, БОСА Сүлжээ дэлгүүр 3 салбар дэлгүүртэйгээр хэрэглэгчиддээ өдөр тутмын хүнсний хэрэгцээг ханган ажиллаж байна.

БОСА Холдинг ХХК-ийн гишүүн компани болох БОСА Импекс ХХК нь дэлхийн 40 гаруй улсаас 600 нэр төрлийн хүнсний өргөн хэрэглээний бараа бүтээгдэхүүн импортлогч Монголын тэргүүлэх гадаад худалдааны компанийн 1 юм.

БЛҮ Голд ХХК нь Горхи Тэрэлжийн сав газрын цэвэр ундаргаас евро стандартад нийцүүлэн шүүж байгалийн эрдэсийг алдагдуулахгүй 0,33л – 18,9л хүртэл хэмжээгээр савлан хэрэглэгчиддээ 2004 оноос хүргэн ажиллаж байна.

2019 онд БОСА Глобал брэндс ХХК-г үүсгэн байгуулан олон улсын франчайзингийн бизнесийг Монгол улсын зах зээлд нутагшуулах, Монголын хэрэглэгч нарт дэлхийн брэндүүдийг хүргэх зорилготой юм. Монголын зах зээлд одоогоор Bata европ гутлын брэнд, Gipfel герман гэр ахуйн брэнд, Tally Weijl Швейцар эмэгтэй бэлэн хувцасны брэнд зэргийг амжилттай нэвтрүүлээд байна.

Мөн хүнсний үйлдвэрлэлийн салбарт үйл ажиллагаа явуулах БОСА Кондитер ХХК буюу МОНКОНДИ чихрийн үйлдвэрийн төслийг хэрэгжүүлж эхлээд байна

БОСА ХОЛДИНГ ХХК-ийн бусад үйл ажиллагааны чиглэл:

-  Дохиолол, харуул хамгаалалтын үйлчилгээ – ОУЛ ЭМ ЭН ЖИ ХХК

-  Хоол үйлдвэрлэл, үл хөдлөх хөрөнгийн менежмент /Энхжин худалдааны төв/ – БАРУУН БҮС ХХК

-  Барилга угсралт, барилгын материалын худалдаа – БОСА Констракшн ХХК

-  Америк гэр ахуйн бараа, бөөний худалдаа – Мандах 4 улирал ХХК

-  Өсвөр үе, залуучуудын боловсрол, нийгмийн хөгжлийн чиглэлд үйл ажиллагаа эрхлэх Батбаярын НОМИНЧИМЭГ сан

Алсын Хараа

Монголд тэргүүлж, Дэлхийд өрсөлдөнө.

Эрхэм зорилго:

Хамтын манлайллаар хөгжлийг түүчээлэгч үндэстэн дамнасан компани байна

Уриа:

Бүтээлч оргилуун сэтгэлээр ажиллацгаая

Үнэт зүйл:

• “Үнэнч шударга зарчим”
• “Итгэл хүндлэл”
• “Нээлттэй харилцаа”
• “Шинийг эрэлхийлэгч”
• “Өөриймсөг үзэл”
• “Тогтвортой хөгжил”
• “Багийн хамтын ажиллагаа”

Үзэл баримтал:

• “Корпорэйт брэндинг”
• “Ёс зүйтэй бизнес”
• “Хамгийн шилдэг бүтээгдэхүүн, үйлчилгээ”
• “Эрх тэгш боломж”
• “Хууль дүрэм журмын дагуу ажиллах”
• “Үнэнч шударга зарчим”